Arsen Avakova qarşı cinayət işi qaldırıldı
Ukraynanın baş prokuroru Yuri Luçko sensasion bəyanatla çıxış edib.
Ölkə.Az xəbər verir ki, baş prokuror ölkənin daxili işlər naziri, erməni əsilli Arsen Avakova qarşı korrupsiya faktı ilə cinayət işi qaldırılıb.
"Mən hər gün onlarla insandan şikayət məktubu alıram. Həmçinin, mənə Ukraynada korrupsiya ilə mübarizə mərkəzindən də məktublar gəlib. Bütün bu məktublarda daxili işlər naziri Arsen Avakovun korrupsiyaya qarışdığı haqda dəlillər var", Yuri Luçko bildirib.
Baş prokurorun sözlərinə görə, Arsen Avakov Donbasda separatçılarla mübarizə aparan təhlükəsizlik qüvvələrinin döyüşçüləri üçün alınmış geyim və digər ləvazimatların qiymətlərini şişirdərək dövlət vəsaitini mənimsəyib və qanunsuz qazanc əldə edib.
Avakov isə öz növbəsində baş prokurorun ittihamlarını rədd edib.
