"iPhone" istifadəçiləri üçün
"Daha çox individuallıq, daha güclü, daha əyləncəli"
Ölkə.Az xəbər verir ki, "Apple" şirkəti "iPhone" smartfonlarının əməliyyat sistemini yeniləyib. "iPhone" istifadəçiləri artıq "iOS 10"-u telefonlarına endirib quraşdıra bilərlər.
İndiyə qədərki ən böyük yeniləmələrdən birinə imza atdıqları qeyd edilən açıqlamada "iOS 10"-da istifadəçilərə daha çox individuallıq verildiyi bildirilib. Bundan sonra "iMesssage" mesajlaşma xidmətində "smayliklərdən" istifadə etmək mümkün olacaq və həmçinin vizual cəhətdən yaxşılaşdırılan yeni dizaynla "Xəritə" tətbiqetməsi daha da təkmilləşdirilib. Fotoşəkillər bölümü isə tamamilə yenilənib .
"iPhone" smartfonlarının ən sevilən funksiyalarından biri olan "Siri" də bu yenilənmə ilə daha çox işimizə yarayacaq.
Xatırladaq ki, bir neçə gün öncə "Apple" şirkəti "iPhone 7" smartfonlarını da təqdim etmişdi.
