Obama Putini Səddam Hüseynə bənzətdi

ABŞ-da "çolaq ördək" adlandırılan Barak Obama gözlənilmədən Rusiya prezidenti Putinlə edam olunmuş İraq lideri Səddam Hüseyini müqayisə edib.

Ölkə.Az xəbər verir ki, ABŞ prezidentliyinə namizəd Donald Trampın Putini Obamadan daha güclü lider adlandırması bu ölkənin siyasi dairələrində mübahisələrə və qısqanclıqlara səbəb olub. Ötən həftə Trampın Putinə olan simpatiyasını bir çox siyasi liderlər tənqid etsə də, Obama susurdu. Nəhayət ki, ABŞ prezidenti də bu məsələyə münasibətini bildirmiş oldu.

"Baxın, o deyir ki, əhalinin 92 %-i onu dəstəkləyir, Səddam Hüseyni də əhalinin 90 %-i dəstəkləyirdi. Respublikaçılar partiyasında nəsə baş verir. İndi onların namizədi bu oğlanı (Putini) dəstəkləyərək deyir ki, o güclü liderdir, çünki o kiçik ölkələrə hücum edib işğal edir, rəqiblərini həbsxanalara saldırır, mətbuata nəzarət edir, ölkə iqtisadiyyatını uzunmüddətli resessiyaya məhkum edib",- deyə ABŞ prezidenti Hillari Klintona dəstək kampaniyasında çıxışı zamanı bildirib.

İlhamə
Ölkə.Az