Xınayaxtı dəbi: uduzan kim, udan kim...

Böyük toy biznesinin tərkib hissəsi olan xınayaxdı mərasimləri son zamanlar dəb halını almağa başlayıb. Valideynlər əlavə xərc çəkib övladlarının xınayaxdı mərasimini də təmtəraqlı keçirir.

Yaxın keçmişə qədər belə mərasimlər çox sadə keçirilirdi. Oğlan evinin gətirdiyi xına, qızın evində onun əlinə sonra isə qonaqların əllərinə yaxılardı. Şirinliklər paylanar və beləliklə də toya hazırlıq başlayardı. İndi isə əksər cütlüklər xınayaxdını hətta restoranda təşkil edir.

Hətta Bakıdan uzaqlaşıb rayonda istirahət mərkəzlərində xına mərasimi təşkil edənlər də var. Xınanı daha rəngarəng etmək istəyənlər gəlinin rəfiqələri üçün də milli geyim sifariş edirlər. Rəqs ya da folkloq qrupları dəvət edilir. Fotosesiyanın pulu isə ayrıca hesablanır.

Təşkilatçılar, gəlinlərin daha dəbdəbəli mərasim istədiklərini və ona görə əndazəni aşdıqlarını deyirlər. Dəbdəbə artıqca xərc də çoxalır.

Təşkilatçılar isə deyir ki, evdə də xınayaxdı mərasimini gözəl bir şəkildə keçirmək olar. Onların sözlərinə görə əsas xərci restoran  aparır.

Ölkə.Az "Xəzər Xəbər"ə istinadən mövzu ilə bağlı daha ətraflı videomaterialı təqdim edir.