Tarık Akanın oğlundan sərt açıqlama: "Ayıbdır"

Bu gün 66 yaşında xərçəng xəstəliyindən dünyasını dəyişən məşhur türk aktyor Tarık Akanın oğlu Barış Zeki Üregül atasının ölümünə sevinənlərə cavab verib.

Ölkə.Az-ın Türkiyə mətbuatına istinadən verdiyi xəbərə görə, aktyorun oğlu həmin şəxsləri sərt şəkildə qınayıb:

"Atam üç həftədir xəstəxanada müalicə olunurdu. Bodrumda olduğunu deyəndə o, xəstəxanada idi. Bodrumda tətil üçün cəmi bir həftə qaldı və vəziyyəti ağırlaşdı. Dünən gecə 1-də biz üç övladı onun yanında olarkən vəfat etdi. O, tək ailəsi üçün yox, Türkiyə üçün önəmli biriydi. Atamın adıyla kimlərinsə özünü reklam etməsi çox ayıbdır. Hazırda başımız atamızın dəfn mərasiminə qarışıb. Atamızı çox sevirik, sevənlərinə də təşəkkür edirik".

Qeyd edək ki məşhur aktyorun vəfatından sonra bəzi şəxslər sosial şəbəkələrdə onun haqqında xoşagəlməz sözlər yazmışdılar.

İntiqam VALEHOĞLU
Ölkə.Az