Yuğ-un direktoru Şotlandiyada
Yuğ Teatrının direktoru Tərlan Rəsulov Şotlandiyanın Qlazqo şəhərində işgüzar səfərdədir.
Ölkə.Az-ın məlumatına görə, T.Rəsulov 15-25 sentyabr tarixlərində Qlazqoda keçirilən Tramvay Festivalına mütəxəssis kimi dəvət alıb. Tramvay festivalının beynəlxalq proqramına çox sayda tamaşalar, təsviri incəsənət nümunələri daxildir. Festival çərçivəsində həmçinin çoxlu görüşlər və müzakirələr keçiriləcək. Festivalın əsas proqramını fiziki qüsuru olan aktyorların iştirakı ilə hazırlanan tamaşalar təşkil edir. Yuğ Teatrının direktoru səfər çərçivəsində qarşılıqlı əməkdaşlıq əlaqələrinin qurulması ilə bağlı bir sıra görüşlər də keçirəcək.
