İŞİD-lə müharibəyə nə qədər maliyyə sərf olunub?

Amerika Birləşmiş Ştatları İŞİD yaraqlıları ilə hərbi əməliyyatlara 424 milyona yaxın vəsait xərcləyiblər.

Ölkə.Az Reuters agentliyinə istinadən xəbər verir ki, Pentaqonun mətbuat katibi Con Kirbinin bildirdiyinə görə, avqust ayının 8-dən İraq və Suriya ərazilərinin əhəmiyyətli hissələrinə nəzərət edən islamçılara qarşı hava hücumlarına təqribən 7,6 milyon dollar vəsait sərf olunub.

Con Kirbinin sözlərinə görə, ABŞ dövlətinin hava qüvvələri kürdlərin torpaq qoşunları ilə birlikdə İŞİD-ə bütün şəhəri işğal etməyə imkan verməyəcəklər. Buna baxmayaraq, Kirbi nikbin proqnozlar verməyə tələsmir.

İyun ayının əvvəlində "Əl-Qaida" ilə əlaqəsi olan İŞİD terror qrupu Suriya və İraq torpaqlarının əhəmiyyətli hissəsini ələ keçirib. Avqustun 8-də islamçılara qarşı beynəlxalq koalisiyaya başçılıq edən Amerika Birləşmiş Ştatları İraqda hərbi əməliyyatlara başlayıb. 23 sentyabr ABŞ Suriya yaraqlılarının təlim düşərgələrinə, komanda mərkəzlərinə və neft fabriklərinə havadan hücumlar etməyə başlayıb

Onu da əlavə edək ki, islamçılar Kobani şəhərini oktyabr ayının əvvəlindən mühasirəyə alıblar. Şəhərin islamçılar üçün böyük əhəmiyyəti var, çünki Kobanini əldə etdikdə yaraqlıların əlində Suriya-Türkiyə sərhədinin çox hissəsi olacaq.

Çinarə Vahabzadə

Ölkə.Az