Əməkdar artist: "Mənim marketim bağlanıbsa, Rasim yazıq neynəsin?"

Akademik Milli Dram Teatrının tanınmış aktyoru, əməkdar artisti Əjdər Həmidov ona məxsus "Troy" supermarketin bağlanması xəbərindən danışıb.

Aktyor Ölkə.Az-a açıqlamasında bildirib ki, yazıldığı kimi hansısa iş adamına görə deyil, xərcləri ödəyə bilmədiyi üçün ərzaq dükanını bağlayıb:

"Bu xəbəri Şəkidə olanda eşitdim. Amma mən bilmirəm onu kim yazıb, kim məlumat verib. Ancaq deyə bilərəm ki, mənim marketimin bağlanmasında heç bir iş adamının, o cümlədən Rasim Nəbiyevin heç bir günahı, təqsiri yoxdur. Alver olmadı, xərclər artdı, gördüm sərf eləmir, bağladım. Mənim marketim bağlanıbsa, Rasim yazığın, yaxud başqa supermarket sahibinin nə təqsiri var? Dörd il idi işlədirdim, bir ay olar bağlamışam".

Qeyd edək ki, mətbuatın yaydığı xəbərdə Ə.Həmidovun "Akkord" yaşayış kompleksində yerləşən marketinin iş adamı Rasim Nəbiyevə görə bağladığı bildirilirdi.

İntiqam VALEHOĞLU
Ölkə.Az