Türkmənlər silah üçün Bağdada müraciət etdi

Türkmənlərdən ibarət silahlı qüvvələr yaradılacaq

Ölkə.Az xəbər verir ki, İraq Türkmən Cəbhəsinin lideri Ərşad Salehi İŞİD-in Qaratəpə adlı türkmen qəsəbəsinə hücumu barədə "Al Jazeera"-ya danışıb.

Salehi türkmənlərdən ibarət silahlı qüvvələrin yaradılması üçün Bağdada müraciət etdiyini açıqlayıb.

Bağdadın şimalındakı Diyala şəhərinin tabelliyində olan Qaratəpə qəsəbəsi İŞİD-in son hədəfi idi. Bölgədəki 10 min adam evlərini tərk etdiyi vaxtda təşkilatın hava hücumlarında 10 nəfər həyatını itirib. "Al Jazeera Türk"-ün suallarını cavablandıran İraq Türkmən Cəbhəsinin lideri Ərşad Salehi Bağdad rəhbərliyinə rəsmi müraciət edərək türkmənlərin yaşadıqları bölgələri qorumaq üçün silahlandırılmasını tələb etdiklərini söyləyib:

"Bağdad rəhbərliyinə türkmen silahlı qüvvələrinin yaradılması üçün müraciət etdik. Tələbimiz isə türkmənlərin məzhəb ayrı-seçkiliyi edilmədən silahlandırılması və öyrədilməsidir.Əvvəldən biz bunu tələb edirdik. Bağdad rəhbərliyi isə buna qarşı çıxdı və bıçaq sümüyə dirənəndə silahları qaldırın deyirlər. Amma bu işlər bir anda olmur və əgər əvvəldən bizi dinləsəydilər, indi döyüşməyə hazır türkmen ordu birlikleri var idi və problem yaşanan bölgələrin çoxunda təhlükəsizlik bərpa olunmuşdu" - deyə Ərşad Salehi bildirib.

Rəşid Mustafazadə

Ölkə.Az