"Simeonenin qərarını qəzetlərdən öyrəndik"
"Atletico Madrid"in müdafiəçisi Diyeqo Qodin baş məşqçi Diyeqo Simeonenin müqaviləsini 2018-ci ilə kimi azaltmasına münasibət bildirib.
Ölkə.Az Goal.az-a istinadən xəbər verir ki, uruqvaylı futbolçu bu informasiyanı bilavasitə Simeonedən almadıqlarını qeyd edib.
"Simeonenin qərarını qəzetlərdən öyrəndik. O, hələ də komandanın sükanı arxasındadırsa, deməli, burada qalmaq istəyir. Hər kəsin qərar vermək hüququ var. Bu seçimini bizə izah etmək istəmirsə, öz işidir. Komandada onun və bizim üçün heç nə dəyişməyib".
"Atletico" argentinalı mütəxəssisin müqaviləsini 2 il azaltmaqla yanaşı, məvacibini də artırmışdı. Hazırda Simeone Primerada ən ödənişli baş məşqçidir.
