Mətn ölçüsü:
  • 100%

Gürcü politoloq: “Rusiya Ermənistanı pişik balasını atdığı kimi atıb...”

“Onlara təklif edərdim ki, ilk öncə erməniləri sterilizə etdikdən sonra Avropada yerləşdirsinlər”.

Dünən xəbər verdiyimiz kimi, oktyabrın 15-i Avropa parlamentində "Ermənistanın avropalı dostları" təşkilatının təşəbbüsü ilə qondarma Dağlıq Qarabağ respublikası ilə dostluq qrupunun təqdimatı keçirilib.

Yaradılan qrupun məqsədi Dağlıq Qarabağda avropa dəyərlərinin yayılması, vətəndaş cəmiyyətinin inkişaf etdirilməsi və demokratik idarəetmə sisteminin qurulmasına stimul verməkdir.


“Avropalı dostlar” həm də Avropa İttifaqının vəzifəli şəxsləri ilə qondarma respublikanın vətəndaş cəmiyyətinin üzvləri arasında əlaqələr yaradaraq avropalı nümayəndələrin regiona səfərlərini təmin edəcəklərini üzərlərinə götürüblər. Qeyri-rəsmi qrup, eyni zamanda, qondarma Dağlıq Qarabağ respublikasının Avropa İttifaqının beynəlxalq qrup və proqramlarında təmsil olunmasında maraqlıdır.

Ölkə.Az olaraq bu məsələ ilə bağlı Suxumi Dövlət Universitetinin professoru, tarix elmləri doktoru, professor Quram Marxulia ilə əlaqə saxladıq. Bəzi avropalı nümayəndələrin qondarma respublikanın ayrıca müstəqil dövlət kimi avropa ictimaiyyətinə inteqrasiya olunmasında maraqlı olmasının və açıq şəkildə dəstəkləməsinin nədən qaynaqlandığı öyrənməyə çalışdıq.

“Rusiya Ermənistanı pişik balasını atdığı kimi atıb, çünki bu ölkə artıq geostrateji məqsədlərə cavab vermir. Ermənistanın məkanı Rusiya üçün Türkiyə və Azərbaycanı saxlamaq və türk ordusunun Cənubi Qafqaza daxil olmasından qorunmaq üçün lazım idi” – deyə professor bildirib.

“Rusiya üçün geoiqtisadi və geostrateji planda zəngin Azərbaycanla münasibətlər qurmaq daha sərfəlidir, nəinki yoxsul Ermənistanla. Jirinovskinin bir müddət əvvəl Bakıya səfər etməsi də bunun bariz sübutudur. Əgər Rusiya qaytarsa, daha dəqiq desək, Dağlıq Qarabağ münaqişəsinə qarışmazsa, Azərbaycan sayılı saatlar ərzində işğal edilmiş ərazilərini qaytarar.

Bununla əlaqədar olaraq Yerevan həyəcan siqnalı qaldıraraq bütün diqqətini Avropaya yönəldi, lakin Avropa dövlətləri Azərbaycanın ərazi bütövlüyünü tanıyır.

O ki qaldı “Dağlıq Qarabağla dostluq qrupuna, bu sadəcə Avroparlamentin “müəyyən” deputatlarıdır ki, maddi mükafat müqabilində nəinki qondarma DQ-la, hətta Ekvatorial Gvineyada ağ ayı ilə dost olmağa hazırdırlar.

Əgər Avroparlamentin deputatları “ermənilər vətəndaş cəmiyyətinin inkişafını stimullaşdırmağı” çox istəyir və Qafqaz ariləri arasında avropa dəyərlərini yaymağı üzərlərinə götürürlərsə, onlara təklif edərdim ki, ilk öncə erməniləri sterilizə etdikdən sonra Avropada yerləşdirsinlər.

Bir müddət sonra İngiltərə və ya Daniyada avropa dəyərlərini özündə birləşdirən yeni Ermənistan dövləti yaradılsa, heç təəccüblənmərəm”.

Rəşid Mustafazadə

Ölkə.Az