Baş rejissordan xalq artistinə cavab

Gənc Tamaşaçılar Teatrının baş rejissoru Bəhram Osmanov xalq artisti Tariyel Qasımova cavab verib.

Rol almamasından şikayətlənən qocaman aktyora Osmanov Ölkə.Az vasitəsilə belə cavab verib:

"Yaxın gələcəkdə Tariyel müəllimi böyük rollar gözləyir. Başqa heç nə deyə bilmərəm".

Qeyd edək ki, T.Qasımov publika.az-a açıqlamasında rol almamasından gileylənib:

"Mənim davam Cənnət Səlimova ilə idi. Köməkləşib onu işdən çıxartdırdıq, yerinə Bəhram Osmanovu qoydular. Amma mən gedib Bəhrama deyən deyiləm ki, mənə rol ver. Gözləyəcəm, əgər mənə rol verməsələr, özüm tamaşalar hazırlayacam".

İntiqam VALEHOĞLU
Ölkə.Az