Türkiyə Suriyadakı əməliyyat zonasını genişləndirir
Türkiyə komandanlığı "Fərat qalxanı" əməliyyatının sahəsini genişləndirir.
Ölkə.Az xəbər verir ki, türk ordusunun və Suriya müxalifətinin birliklərinin 15 gündür davam edən "Fərat qalxanı" əməliyyatı nəticəsində 900 kv. km ərazi İŞİD terrorçularından təmizlənib.
Məlumata görə, Türkiyə komandanlığı bu ərazinin sahəsini 5 000 kv. km-ə qədər genişləndirməyi planlaşdırır.
Bu haqda Türkiyə prezidenti Rəcəb Tayyib Ərdoğan BMT-nin Baş Assambleyasında iştirak etmək üçün Nyu-Yorka yola düşərkən hava limanında jurnalistlərə məlumat verib.
Bu məsələ ilə bağlı BMT tribunasında çıxışı zamanı da dünya liderlərini məlumatlandıracağını deyən Ərdoğan əməliyyatın uğurla davam etdiyini bildirib.
