Rusiya Dumasına seçkilər Ukraynanı qarışdırdı
Rusiya Dövlət Dumasına keçirilən seçkilər Ukraynanın Kiyev və Odessa şəhərlərində etiraz aksiyalarına səbəb olub.
Ölkə.Az xəbər verir ki, Rusiyanın Kiyevdəki səfirliyində keçiriləcək seçkilərin baş tutmaması üçün bir qrup ukraynalı fəal səfirlik önündə yığışaraq Rusiya əleyhinə şüarlar səsləndiriblər.
Etirazçılar Rusiyanı faşist ölkəsi, Putini isə Hitler elan edərək onun müqəvvasını nümayiş etdiriblər. Rusiyanın Donbası və Krımı işğal etdiyini bildirən etirazçılar bütün rus vətəndaşlarından ölkələrini tərk etmələrini tələb ediblər. Polislə etirazçılar arasında qısa qarşıdurma yaranıb.
Etirazların baş verdiyi digər şəhər isə Odessa olub. Odessadakı Rusiya konsulluğu önünə toplaşan bir qrup etirazçı Rusiya əleyhinə şüarlar səsləndirib. Daha sonra polis etirazçılara müdaxilə edib.
