Rusiyada iqtisadi böhran dərinləşir
Rusiyanın Maliyyə Nazirliyi kabinetə yeni tədbirlər planını təqdim edib.
Ölkə.Az xəbər verir ki, valyuta rezervlərinin tükənməkdə olduğu Rusiya büdcəsini doldurmaq üçün bir sıra mühüm layihələri təxirə salmalı olub.
Maliyyə Nazirliyinin hazırladığı tədbirlər planı isə ölkə əhalisinin daha da yoxsullaşmasına gətirib çıxaracaq, fiziki və hüquqi şəxslərin ziyana düşməsinə yol açacaq.
Belə ki, Rusiyanın Maliyyə Nazirliyinin hazırladığı tədbirlər planında büdcədən maliyyələşən təşkilatlarda çalışanların maaşlarının azaldılması və ödənişdə gecikdirmələr, o cümlədən Əlavə Dəyər Vergisinin artırılması nəzərdə tutulur.
Analitiklərin fikrincə bu tədbirlər planı yaxın vaxtlarda ölkənin regionlarının büdcəsinin boşalmasına və işsizliyin artmasına səbəb olacaq.
