Azərbaycanda 21 mindən çox alkoqolik var
2015-ci ildə alkoqolizm və alkol psixozu diaqnozu qoyulan xəstələrin sayı 619 nəfər olub.
Dövlət Statistika Komitəsindən Ölkə.Az-a verilən məlumata görə, əhalinin hər 100 000 nəfərindən 6,9-u bu xəstəlikdən əziyyət çəkir.
Statistikaya əsasən ötən il narkomaniyadan zəiyyət çəkən xəstələrin sayı 2017, toksikomaniyadan əziyyət çəkən xəstələrin sayı isə 13 nəfər olub.
Bir neçə narkotik maddənin qəbul edilməsi və digər psixoaktiv maddələrdən istifadə nəticəsində yaranan psixi və davranış pozuntuları olan xəstələrin sayı isə 8 nəfərdir.
Ümumilikdə isə Azəbaycanda 21777 nəfər alkoqolizm və alkol psixozu xəstəsi kimi, 28555 nəfər narkomaniya xəstəsi kimi, 158 nəfər toksikomaniya xəstəsi kimi, 20 nəfər bir neçə narkotik maddənin qəbul edilməsi və digər psixoaktiv maddələrdən istifadə nəticəsində yaranan psixi və davranış pozuntuları olan xəstəkimi müalicə - profilaktika müəssisələrində qeydiyyatdadır.
