Bank səhvi: müştəridən əlavə pul tələb olundu
Bir vətəndaş xarici ölkəyə pul yollamaq istəsə də 3 cəhdi uğursuz alınıb.
Vətəndaşın iddiasına görə, buna səbəb bank əməkdaşının pul göndəriləcək adamın adını 2 dəfə səhv qeyd etməsi olub. 3-cü dəfə də isə vətəndaşdan pulun yenidən göndərilməsi üçün əlavə komisiya haqqı tələb edilib.
Ölkə.Az xezerxeber.com-a istinadən bildirir ki, Bayram Həmidli deyir ki, bank əməkdaşı pul çatacaq adamın adını səhv qeyd etdiyi üçün proses alınmayıb. Yenidən banka müraciət edib və problemin aradan qaldırılmasını istəyiblər. Daha sonra bank əməkdaşı yenidən qeydiyyat aparıb və pul bir daha göndərilib. Ancaq bir müddət sonra məlum olub ki, bank əməkdaşı həmin şəxsin adını yenə səhv yazıb.
Problemlə bağlı sözügedən bankdan bildirildi ki, vətəndaşın iddiası əsassızdır. Pulu qəbul edəcək adamın adının səhv qeyd edilməsinin səbəbi müştərinin həmin şəxsin adını və soyadını 2 dəfə yanlış deməsidir. Ancaq vətəndaşın etirazından sonra alıcının adı düzəldirərək rüsum tələb edilmədən pul yenidən ona göndərilib.
Ekspertlərin belə problemlərin yaşanmaması üçün bir sıra tövsiyyələri var.
Ekspert Anar Ramazanov deyir ki, məlumatlar sistemə rəsmi sənəd əsasında qeyd edilməlidir ki, səhv ehtimalı minimuma endirilsin və problem olduqda əldə sübut olsun.
Banklar isə vətəndaşların bu cür ödənişlər zamanı məlumatı yenidən yoxlamasına şərait yaratmaldırılar.
