Azərbaycan teleməkanında İLK: bir veriliş iki telekanalda

Azərbaycan teleməkanında eyniadlı iki veriliş efirə gedəcək.

Ölkə.Az-ın məlumatına görə, həm "Lider" televiziyasında Nuranə Gülərin, həm də ARB TV-də Afət Rahilqızının aparıcılığıyla efirə gedən veriliş "Çıxış yolu" adlanır.

Maraqlıdır ki, hər iki layihə sosial yönümlüdür.

ARB TV-nin strateji inkişaf və media direktoru İsmayıl Həsənov isə Ölkə.Az-açıqlamasında bildirib ki, ARB TV-də yayımlanan verilişin adı "Çıxış yolu" deyil, "Çıxış yolu Afət Rahilqızı ilə" -dir.

Veriliş həftə içi 5 gün saat 13:00-da yayımlanır. Verilişin adı aylar öncə təsdiqlənib və çəkilişlərə xeyli vaxtdır başlanılıb. Layihə sosial yönümlüdür.

İntiqam VALEHOĞLU
Ölkə.Az