"ABŞ Rusiyaya inanmır"
ABŞ Suriyadakı humanitar konvoyun bombalanması məsələsində Rusiyanın versiyasına inanmır
Ölkə.Az xəbər verir ki, bu sözləri ABŞ-ın dövlət katibi Con Kerri deyib.
"Biz Rusiya Müdafiə Nazirliyinin versiyasına şübhə ilə yanaşırıq. Rusiya iddia edir ki, Hələbə humanitar yardım daşıyan konvoy naməlum səbəblərdən yanıb. Bu diqqət yayındırmaq cəhdi və sualdan qaçmaqdır", deyə Kerri bildirib.
Xatırladırıq ki, Suriyanın mühasirədə olan Hələb şəhərinə humanitar yardım aparan 36 maşından ibarət BMT konvoyu havadan bombardmana məruz qalmışdı. Bombardman nəticəsində konvoydakı maşınlardan 20-si yanmış, konvoyu müşayiət edən BMT əməkdaşlarından isə 21 nəfər həlak olmuşdu.
