Şəkidə yolu keçmək istəyən azyaşlını maşın vurub

Şəki rayonundə yolu keçmək istəyən azyaşlını maşın vurub.

"Report"un Şimal-qərb bürosu xəbər verir ki, hadisə rayonun Qoxmuq kəndi ərazisində qeydə alınıb.

Belə ki, kənd sakini, 2008-ci il təvəllüdlü Günel Mübariz qızı Sabirova yolu keçmək istəyərkən hərəkətdə olan minik avtomobili onu vurub.

Yaralı dərhal təcili tibbi yardım maşını ilə Şəki Mərkəzi Rayon xəstəxanasına aparılıb. Xəstəxanadan verilən məlumata görə, zərərçəkmiş ağır kəllə-beyin travması alıb. Yaralı reanimasiya şöbəsinə yerləşdirilib. Onun vəziyyəti ağır kimi qiymətləndirilir 

Faktla bağlı araşdırma aparılır.