ABŞ-dan vətəndaşlarına "Qaziantep" xəbərdarlığı
ABŞ-ın Ankaradakı səfirliyindən bu ölkədə olan vətəndaşlarına xəbərdarlıq edilib.
Ölkə.Az xəbər verir ki, amerikan diplomat missiyasından müxtəlif məqsədlərlə Türkiyədə olan vətəndaşlarına terror xəbərdalığı edilib.
Xəbərdarlıqda konkret olaraq Türkiyənin Qaziantep şəhərinə getməmələri və əgər o şəhərdədirlərsə, insanların sıx toplaşdığı yerlərdən, bazarlar və ticarət mərkəzlərindən uzaq durmaları istənir.
ABŞ səfirliyinin yaydığı bu açıqlamadan sonra türk polisi hərəkətə keçib. Məlumata görə, Qaziantepin bütün dövlət və ictimai obyektlərinin mühafizəsi gücləndirilib. Küçədə polis patrul dəstələrinin sayı artırılıb.
