ABŞ "rus aqressiyasının" qarşısını almaq üçün xərcləri 4 dəfə artırdı
ABŞ Senatı Rusiyanın aqressiyasının qarşısını almaq üçün nəzərdə tutulan xərclərin həcmini 4 dəfə artırıb.
Ölkə.Az xəbər verir ki, bu qərar 2017-ci il ABŞ büdcəsində öz əksini tapıb.
2017-ci ildə ABŞ-ın hərbi xərcləri 602 milyard dollar olacaq. Bu məbləğ hazırkı il üçün nəzərdə tutulmuş hərbi büdcədən 5 milyard dollar azdır.
ABŞ Rusiyanın qarşısının alınması üçün isə 2017-ci ildə 3,4 milyard xərcləyəcək. Xatırladırıq ki, bu il bu məqsədlə xərclənən məbləğ 600 milyon dollara yaxın olub.
"Rusiyanın aqressiyasının qarşısını almaq" dedikdə isə ABŞ Şərqi Avropadakı hərbi kontingentinin artırılmasını, Baltikyanı ölkələrə yeni hərbi birliklər və zirehli texnika göndərməyi nəzərdə tutur.
