Zamirə Dadaşova: "Rövşanə 90 faiz ehtimalla Space-ə qayıdacaq"
"Space" telekanalının "Siqnal" verilişinin aparıcısı Zamirə Dadaşova həmkarı Rövşanə Bektaşinin keçmiş iş yerinə qayıtması xəbərindən danışıb.
Xəbərdə adı keçən Dadaşova Ölkə.Az-ın əməkdaşıyla söhbətində bunları deyib:
"Bu yaxınlarda bir tədbirdə olduq. Amma qəti qərar verməmişdi ki, qayıdır. Hər halda doxsan faiz ehtimal var ki, yenidən Space-də fəaliyyət göstərsin".
Qeyd edək ki, Rövşanə Bektaşinin Space-ə keçməsi xəbərini Milli.az saytı yayıb. Xəbərdə qeyd olunur ki, ANS-in aparıcısı Rövşanə Ağasəfqızı yenidən "Space" telekanalında fəaliyyətə başlayacaq. Faktı təsdiqləyən bir məqam da aparıcının bu günlərdə məclislərdən birinə məhz "Space" TV-nin "Siqnal" verilişinin aparıcısı Zamirə Dadaşova ilə gəlməsidir.
İntiqam VALEHOĞLU
Ölkə.Az