“Suriyada atəşkəs ölü doğuldu”
“Çox təəssüf ki, Suriyada atəşkəs ölü doğuldu”.
Bu barədə Türkiyə prezidenti Rəcəb Tayyib Ərdoğan Nyu-Yorkda BMT Baş Assambleyasının 71-ci sammitində iştirakından sonra “MSNBC” kanalının müxbiri Ayman Mohyeldinə verdiyi intervyusunda bildirib.
Ərdoğan Suriyada atəşkəsin davam etdirilməməsi və Hələbdə humanitar yardım konvoyunun vurulmasına görə Suriya prezidenti Bəşər Əsədin məsuliyyət daşıdığını söyləyib.
“600 min insanın ölümünə səbəb olan birini hələ də Suriyanın başında saxlamaq o insanlara böyük hörmətsizlikdir. Həyatını itirən bu insanlar bizi necə bağışlayacaqlar? Bu insanların hamısı Əsəd iqtidarda olarkən öldü”, - deyə Ərdoğan vurğulayıb. (Qafqazinfo)
