Tanınmış musiqiçidən Habil Əliyevin xatirəsinə ithaf
Tanınmış klarnet ifaçısı Zahid Qubadlı əfsanəvi sənətkar Habil Əliyevin "İlk məhəbbət" adlı bəstəsinə klip çəkdirib.
Ölkə.Az-ın məlumatına görə, ekran işinin operatoru Nəriman Süleymanov, montajçısı Azad Mirzədir.
Klipin rejissorluğunu isə Z.Qubadlı özü edib. Musiqiçi gördüyü iş barədə bunları deyib:
"Hər zaman böyük sənətkarların həm həyatları, davranışları, həm də sənətləri mənimçün nümunə olub. Xoşbəxt musiqiçiyəm ki, sağlığında Habil Əliyev kimi dahi sənətkardan belə xoş sözlər eşitmişəm. Həm də o bu sözləri məni tanımadan deyib və sonradan tanış olmuşuq. İstədim ki, bu ifamı Habil müəllimin əziz xatirəsinə ithaf edim".
Z.Qubadlı klip və ifası barədə də danışıb:
"İfada nağara və dəmkeş iştirak edib. Özüm belə olmasını istədim. Çünki Habil Əliyevin sənətinin bəzək-düzəyə ehtiyacı yoxdur. O özü də sadə insan olub. İnanıram ki, ifamı bəyənəcəklər. Elə klipin də sadə olmasını istədim, ideya da özümə məxsusdur".
İntiqam VALEHOĞLU
Ölkə.Az