Əminə Yusifqızının 80 yaşı tamam olur
Bu gün Azərbaycanın xalq artisti, məşhur bədii qiraət ustası Əminə Yusifqızının doğum günüdür.
Ölkə.Az-ın məlumatına görə, 1936-cı ilin bu günündə Bakıda dünyaya gələn Yusifqızı hələ məktəb yaşlarında ikən Gənc Tamaşaçılar Teatrında bir çox maraqlı çıxışları ilə yadda qalıb. 1974-cü ildən "Azərbaycanfilm" kinostudiyasında çalışıb. Həmçinin "Azərbaycanfilm" kinostudiyasının nəzdində fəaliyyət göstərən kinoaktyor teatr studiyasında fəaliyyət göstərib.
Gənc Tamaçılar Teatrının və Azərbaycan Milli Dram Teatrının səhnəsində onlarla rollar oynayıb.
Səksən yaşı tamam olan xalq artisti sentyabrın 14-də Prezident İlham Əliyevin sərəncamı ilə "Şöhrət" ordeni ilə təlif edilib.
