Sentyabrın 26-da ASAN Xidmət mərkəzlərində qeyri-iş günü olacaq
Sentyabrın 26-da keçiriləcək ümumxalq səsverməsi (referendum) ilə əlaqədar “ASAN xidmət” mərkəzlərində qeyri-iş günü olacaq.
ASAN Xidmətin İnformasiya təminatı şöbəsindən Ölkə.Az-a verilən məlumata görə, həmin gün vətəndaşlar “ASAN xidmət” mərkəzlərinə müraciət edərək yalnız şəxsiyyət vəsiqələrinin verilməsi və dəyişdirilməsi xidmətindən yararlana biləcəklər.
Sentyabrın 27-dən isə vətəndaşlar “ASAN xidmət” mərkəzlərinə müraciət etməklə müvafiq xidmətlərdən yararlana biləcəklər.
