Referendum - 2016: Bakının seçki məntəqələrindən
Bu gün ölkədə Azərbaycanda Konstitusiyaya dəyişikliklərlə bağlı ümumxalq səsverməsi (referendum) keçirilir.
Səsverməni yerində izləmək üçün Ölkə.Az saytının çəkiliş qrupu bir neçə məntəqədə olub. Əməkdaşlarımız seçkinin gedişatını, məntəqə sədrərlərinin, müşahidəçilər və seçicilərin fikirlərini öyrənib.
İlk getdiyimiz məntəqə Kopperasiya universitetində yerləşən 26 saylı seçki məntəqəsi oldu. Məntəqəyə daxil olub, qeydiyyatdan keçirik. Günorta saatları olduğu üçün məntəqədə az sayda seçici var. Məntəqədən bildirdilər ki, səhər saatlarında seçicilərin sıxlığı müşahidə edilib. Günorta isə seçici sayı azalmağa başlayıb.
Nərimanov rayon 20 saylı dairənin 26 saylı məntəqə sədri Aslanov Mətləb seçkinin gedişi ilə bağlı bizə məlumatlar verir:
"Seçicilər əvvəlki seçkilərdən daha fəaldır. Aktivlik yüksək səviyyədədir. Hazırda 1085 seçicidən 670 nəfəri günorta saatlarna qədər gəlib səs verib. Səhər saatlarında millət vəkili, AMEA-nın vitse-prezidenti İsa Həbibbəyli də səsvermədə iştirak etdi. Müşahidəçilərimiz də seçkinin nəticəsini müşahidə edirlər. Müşahidəçilər arasında iqtdar və müxalifət nümayəndələri, o cümlədən bitərəflər var".
Məntəqə sədri ilə söhbətdən sonra müşahidəçilərin seçki ilə bağlı fikrini öyrənirik.
Bitərəf Tamerlan Əkbərov: "Seçicilər gəlib səs verib gedirlər. Hələki qanun pozuntusu aşkar etməmişik. Səhər saat 10:00-dan 11:00-q kimi seçicilərin aktivliyi çox yüksək idi".
Bitərəf Ramazanov Seymur: "Seçki çox şəffaf keçir. Aktivlik hiss olunur. Seçicilərin şikayətini eşitməmişik. Qanun pozuntusu ilə qarşılaşmamaışıq".
Bitərəf professor Məmmədova Əfşan: "Seçki əla keçir. Hər şey şəffafdır. Heç bir qanunsuz hal müşahidə etməmişəm".
26 saylı məntəqədn çıxıb 25 saylı məntəqəyə gedirik. Məntəqədə qeydiyyatdan keçib, müşahidə aparırıq.
Nərimanov rayon 20 saylı seçki dairəsinin 25 saylı məntəqə sədri Əliyev Yusiflə söhbət edirik. Əliyev Yusif bildirir ki, səhər saat 08:00-dan başlayaraq seçkilrə başlayıb:
"Aktivlik yüksək səviyyədədir. Hazırda yemək zamanı olduğu üçün seçicilərin sayı azalıb. Bu dəqiqəyə qədər hər hansısa narazılıq qeydə alınmayıb. Bu saata qədər təxminən 65% seçici gəlib səs verib. Şikayət edən olmayıb. 10 nəfərə yaxın müşahidəçi var, ekzit-pol keçirilir. Müşahidəçilər seçki ilə bağlı daha ətraflı məlumat verə bilərlər. ".
YAP-dan olan müşahidəçi Əsgərəova Afaq: "Seçicilər çox aktivdir. Xüsusən səhər saatlarnda daha çox aktiv oldular. Qanun pozuntusu qeydə almamışıq".
YAP-dan olan müşahidəçi Hüseyinli Günay: "Aktivlik deyərdim ki, hətta əladır. Hələ ki, şikayət edən vətəndaş olmayıb".
Nərimanov rayonu əraziindəki məntəqələrdən çıxıb Binəqədi rayon ərazisindəki məntəqələrə gedirik.
39 saylı məntəqədəyik. Qeydiyyatdan keçib, məntəqə sədri ilə söhbət edirik.
8 saylı Binəqədi seçki dairəsi 39 saylı məntəqənin sədri Əhmədova Sənubər:
"Seçicilərimiz səhər saatlarında çox aktiv idi. İndi aktivlik nisbətən azalıb. Yemək saatına görə yəqin aktivlik azalıb. Axşam saatlarında aktivliyin artacağını gözləyirik. Gözlədiyimizdən daha çox insan gəlib. Bu saata qədər 500-dən çox seçicimiz gəlib. Heç bir vətəndaş şikayət etməyib. Xarici müşahidəçilər, başqa jurnalistlər də gəliblər məntəqəmizə və hamısı da razılıqla gedib. Müşhidəçilərimiz də oturub izləyirlər".
Müşahidəçi Məmmədova Gülnaz: "Seçicilər aktivdir. Ən əsas odur ki, sakitlikdir. Səhər 08:00-dan buradayam, bir dənə də olsun narazıçılıq edən insan görməmişəm. Açığı bu qədər aktivliyi gözləmirdim".
Məntəqədə olan zaman bir neçə seçici kabinələrdə səs verib məntəqəni tərk edirlər. Seçicilərin fikrini öyrəndikdə isə bildirirlər ki, səslərini verdilər, heç bir müdaxilə olmayıb.
8 saylı Binəqədi seçki dairəsi 25 saylı məntəqəyə gedirik. Məntəqə sədri İsmayılova Amaliya bizi qarşılayır. Məntəqə sədri bildiri ki, gözləmədiyimiz bir aktivliklə qarşılaşdıq. Səhər saatlarında seçicilər səs vermək üçün növbəyə durmuşdu. Prezident seçkisi səviyyəsində referendum keçirilir. İsmayılova Amaliyanın sözlərinə görə, seçicilərin 70%- səs verib. Qanun pozuntusunun olmadığını bildirən məntəqə sədri dedi ki, hətta ünvana aid olmayan şəxslər səsvermə üçün müraciət məntəqəyə müraciət ediblər. Onların şəxsiyyət vəsiqəsi olmadığı üçün qəbul etməmişik.
YAP-dan olan müşahidəçi Aytən Qurbanova: "Heç bir qanun pozuntusu ilə qarşılaşmamışıq. Səhər saat 08:00-dan məntəqədəyəm, neqativ heç nə görməmişəm".
8 saylı Binəqədi seçki dairəsi 17 saylı məntəqədəyik. Məntəqə sədri Kifayət Həsənova ilə səsvermənin gedişi barədə söhbətləşirik:
"Seçicilər rahat şəkildə gəlib səs verib gedir. Bu saata qədər təxminən 600-ə yaxn adam gəlib səs verib gedib. Narazıçılıq olmayıb. Gördüyünüz kimi məntəqədə bir kabinədə iki nəfər var, onlar ailədir. Qadın oxuya bilmir. Əri bildirdi ki, yoldaşı oxuya bilmir, kömək edin. Biz də ailə olduqları üçün icazə verdik. Müşahidəçilər də səsvermənin gedişinə müdaxilə etmirlər, izləyirlər".
Müşahidəçi Əliyeva Püstəxanım: "Sakit seçki keçirlir. Hər şey qaydasındadır. Qanun pozuntusu ilə rastlaşmamışıq. İzləyək görək nə olur".
8 saylı Binəqədi seçki dairəsi 17 saylı məntəqəsində seçikini iziləmək üçün qeydiyyatdan keçib məntəqəyə daxil oluruq. Məntəqə sədri Əsədova Natavan bildiri ki, seçici aktivliyi günün birinci yarısı lap əla idi. Günorta saatlarında aktivlik aşağı düşüb. İnsanlar sakit şəkildə gəlir, səs verib gedirlər. Şikayət edən olmayıb. Hər şey qanun çərçivəsində gedir.
Müşahudəçi Allahverdiyeva Sevinc: "Saat 08:00-dan seçkini müşahidə edirik, heç bir qanun pozuntusu ilə qarşılaşmamışıq. Seçki bitənə qədər izləyəcəyik. Səsvermənin gedişinə müdaxilə edən yoxdur".
Şuşa, Ağdam, Xocalı, Xocavənt seçki dairəsi, 3 saylı məntəqədəyik. Məntəqənin katibi Abdullayev Akif bildirir ki, seçicilərin aktivliyi yüksək səviyyədədir.
"Səs verən seçicilərin dəqiq sayını da sizə deyə bilərəm. 542 nəfər məntəqədə gəlib səs verib gedib. Şikayət edən olmayıb. Məcburi köçkünlərin narazılığı yoxdur, onların arzusu, tələbi Qarabağdır".
8 saylı Binəqədi seçki dairəsi 22 saylı məntəqəsindəyik. Məntəqə sədri Saleh Mirzəyev sözlərinə görə, referendum çox şəffaf keçirlir.
"Seçici aktivliyi normaldır. Seçici siyahımızda 1260 seçici var. Onlardan 60%-i səsvermədə iştirak edib. Axşam saatlarında yəqin ki, aktivlik yenidən artacaq. Həqiqətən şikayət edən edən olmayıb. Sözümün dəqiqliyini müşahidəçilərdən soruşa bilərsiniz".
Müşahidəçi Abbasova Zeynəb: "Heç bir qanun pozuntusuna rast gəlməmişik. Müşahidə edirik, əgər qanun pozuntusu olarsa qeyd edəcəyik".
Səsvermədə iştirak edən Milli Olimpiya komitəsinin vitse-prezidenti, Dövlət Gömrük Komitəsinin xidmət polkovniki, "Gömrükçü" idman sağlamlıq mərkəzinin baş drektoru İsayev Xəzər Ölkə.Az-a danışır:
"Seçicilər üçün çox gözəl şərait yaradılıb. Müstəqil şəkildə kim istəyir səsini verib gedir. Səsverməyə gələn hər bir seçiciyə öz adımdan təşəkkürümü bildirirəm. Hər bir qanun Azərbaycan xalqının gözəl yaşaması üçün yazılır. Bu dəyişiklik də, Azərbaycan xalqının rifahına xidmət edəcək".
Müşahidələrimiz zamanı biz də heç bir qanun pozuntusu ilə rastlaşmadıq. Günorta saatları olduğu üçün hər məntəqədə 3-4 vətəndaşın səs veridiyi gördük. Müşahidəçilərə gəldikdə isə daha çox YAP və bitərəflər üstünlük təşkil edirdi. Digər seçkilərdən fərqli olaraq müşahidəçilərin 90%-dən çoxunu qadınlar təşkil edirdi.
Fotolar: Nurlan Gülməmmədov
