Ukraynalı separatçılar hərəkətə keçdilər

Ukraynada separatçılar daha üç şəhəri almaq məqsədilə hücum elan ediblər.

Ölkə.Az xəbər verir ki, Ukraynanın qondarma "Donetsk Xalq Respublikası"-nın baş naziri Aleksandr Zaxarçenko mətbuat konfransında çıxışı zamanı Ukrayna təhlükəsizlik qüvvələrinin mövqeləri istiqamətində genişmiqyaslı hücum əməliyyatlarının başlandığını bildirib.

Bununla Aleksandr Zaxarçenko atəşkəs rejiminin ləğv olunduğunu söyləyib.O, çıxışında qarşı tərəfi atəşkəs rejimini pozmaqda ittiham edib:

"Mövcud atəşkəs rejiminə yalnız biz əməl edirik. Onlar buna əməl etmirlər və atəşkəsi mütəmadi olaraq pozurlar. Artıq dünəndən başlayaraq biz də bu hücumlara cavab verməyə başladıq. Bizim hərbi qüvvələrimiz Donetskin bir neçə şəhərini ələ keçirmək üçün genişmiqyaslı hücumlara başlayır". - deyə Zaxarçenko qeyd edib.

Separatçıların lideri hədəfdə olan şəhərləri də açıqlayıb. Kramatorsk, Mariopol və Slavyansk bu şəhərlər sırasındadır.

Rəşid Mustafazadə

Ölkə.Az