"Prado" qəza edərək əks yola çıxdı, prospektdə uzun tıxac yarandı
Bakıda avtomobil qəzası baş verib.
Ölkə.Az xəbər verir ki, Heydər Əliyev prospektində Koroğlu istiqamətində avtomobil qəzası baş verib.
Qəza nəticəsində 90 AC 909 dövlət qeydiyyat nişanlı "Toyota Prado" marka avtomobil sütunu aşıraraq yolun əks istiqamətinə keçib və başqa avtomobillə toqquşub.
Qəzaya uğrayan avtomobilin içərisində olanları çıxarmaq üçün FHN əməkdaşları hadisə yerinə gəlib. Avtomobildə olan şəxsləri xüsusi avadanlıqlar vasitəsilə xilas etməyə çalışırlar.
