Yaponiyada zəhərli maddələrlə yüklənmiş tanker qəzaya uğradı

Yaponiyanın Yamaquti prefekturasının Tokuyamakudamatsu limanında 400 ton kimyəvi maddə yüklənmiş tanker qəzaya uğrayıb.

Ölkə.Az xəbər verir ki, uzunluğu və eni 50 metr olan "Yovamaru" tankerində 400 ton hidroksid natrium maddəsi olub. Tanker həddən artıq əyildiyi üçün batma təhlükəsi ilə üz-üzədir. Xilasedicilərin səyi nəticəsində gəmi heyəti xilas edilsə də, kimyəvi maddənin dənizə tökülmə riski hələ də davam edir.

Su ilə qarışan hidroksid natrium maddəsi güclü kimyəvi reaksiya nəticəsində böyük miqdarda istilik ixrac edir. Bu maddə dəriyə düşəndə yandırır. Eyni zamanda göz qişasına düşən hidroksid natrium maddəsi insanın kor olmasına səbəb olur.

Ekspertlərin fikrinə görə isə, 400 ton kimyəvi maddə bütün dəniz üçün təhlükəli olmasa da, böyük bir ərazidə ekoloji fəlakətə səbəb ola bilər.

Hikmət
Ölkə.Az