Avropa Parlamenti ilə əməkdaşlıq müzakirəyə çıxarılır

"Ötən il Avropa Parlamenti Azərbaycan əleyhinə qətnamə qəbul edib. Bundan sonra Azərbaycan onlarla əməkdaşlığı dayandırıb. Bu münasibətlərin bərpa olunması üçün çox cəhdlər edilib".

Ölkə.Az-ın məlumatına görə, bu fikirləri Milli Məclisin payız sessiyasının bu gün keçirilən iclasında çıxışı zamanı parlamentin sədri Oqtay Əsədov bildirib.

Spiker deyib ki, Prezident İlham Əliyev Avropa İttifaqı və Azərbaycan Parlament Əməkdaşlıq Komitəsinin nümayəndə heyətini qəbul edərkən, onlara iradlarını bildirib:

"Əməkdaşlıq bərpa olunacağı təqdirdə belə neqativ halların baş verməsi arzuolunan deyil".

Azərbaycanda keçirilən referenduma da toxunan O.Əsədov qeyd edib ki, sentyabrın 26-da Azərbaycanın həyatında mühüm dəyişiklik baş verib:

"Azərbaycanda ümüumxalq səsverməsi keçirilib. Referendumda xalq öz dəstəyini nümayiş etdirib. Ümumxalq səsverməsini yerli və beynəlxalq müşahidəçilər izləyiblər".

Zaur Əziz
Ölkə.Az