Pakistan Hindistanı nüvə zərbəsi ilə hədələdi
Pakistanın müdafiə naziri müharibə başlayacağı təqdirdə ordunun nüvə hücumuna keçəcəyi ilə bağlı bəyanat verib.
Ölkə.Az məlumat verir ki, Pakistanın müdafiə naziri Xavaca Asif Hindistan hakimiyyətinə xəbərdarlıq edib. Əgər iki dövlət arasında hərbi konflikt başlasa, Pakistan ordusu nüvə silahına əl atacaq.
Əgər Hindistan müharibə etmək fikrinə düşsə, Pakistan ordusu Hindistanı məhv edəcək:
"Əgər onlar müharibəyə başlasalar, biz Hindistanı məhv edərik. Pakistan ordusu Hindistan tərəfdən atılacaq istənilən addıma cavab verməyə hazırdır",- deyə Asif bildirib.
Eyni zamanda nazir bir daha qeyd edib ki, əgər lazım gələrsə, Pakistan ordusu Hindistana qarşı nüvə silahından istifadə etməyə hazırdır.
Qeyd edək ki, bu yaxınlarda hər iki dövlət arasında mübahisəli ərazi sayılan Kəşmir bölgəsində silahlı toqquşma qeydə alınıb. Nəticədə pakistanlı iki əsgər həlak olub. Eyni zamanda, silahlılar Kəşmirdəki ordu ştabına hücum ediblər. Hücum nəticəsində 17 əsgər həlak olub.
Hikmət
Ölkə.Az