Azad Suriya Ordusu İŞİD-ə qarşı 1300 döyüşçü göndərir

İŞİD-in aramsız olaraq hücum etdiyi Kobani şəhərinin müdafiəsi üçün Azad Suriya Ordusu 1300 döyüşçü göndərəcək.

Hələbdə keçirilən toplantıda Azad suriya Ordusunun qəbul etdiyi qərar kürdlərin yaşadığı şəhərin müdafiəsinə böyük dəstək hesab olunur.

Qeyd edək ki, 200 peşmərgənin də yaxın günlərdə Kobaninin müdafiəsinə qoşulacağı gözlənilir.

Kobaninin müdafiəsinə ABŞ-ın başçılıq etdiyi anti-İŞİD koalisiyası terror qruplaşmasının mövqelərini bombalamaqla dəstək verməkdədir.

Bu gün Türkiyə prezidenti Rəcəb Tayyib Ərdoğan verdiyi açıqlamada İŞİD və Kobani uğrunda inadla döyüşən PYD terror təşkilatları olduğundan rəsmi Ankara Suriya sərhədində yerləşən şəhərin Azad Suriya Ordusu tərəfindən müdafiə olunmağının vacib olduğunu bildirib. (anspress)

Ölkə.Az