İkinci Dünya müharibəsinin ən qanlı döyüşü
Bu gün Moskva uğrunda döyüşdən düz 75 il ötür. 1941-ci il 30 sentyabr tarixində başlayan savaş İkinci Dünya Müharibəsinin ən qanlı döyüşü kimi tarixə keçib.
30 sentyabr 1941-ci il-20 aprel 1942-ci il arasında baş verən savaş 202 gün davam edib.
Döyüş zamanı 1.8 milyon sovet döyüşçü, 457.1 min nəfər isə alman əsgəri həlak olub.
1941-ci il 5 dekabr tarixinə qədər davam edən müdafiə mərhələsində sovet ordusu alman ordusunun qarşısını alıb və Sovet İttifaqının ildırım sürətli işğalı planını iflas edib.
Savaş ərzində 200 zavod təxliyə edilib. 1941-ci il 5 dekabr-1942-ci il 7 yanvar tarixləri arasında baş tutan əks hücum zamanı sovet ordusu almanlar üzərində ilk qələbə qazanıb və strateji təşəbbüsü ələ alıb.
1942-ci il 20 aprel tarixinə qədər davam edən hücum zamanı sovet orduları Moskvadan 250 km-lik məsafəyə qədər irəlilədi və alman qruplaşmasını iki tərəfdən mühasirəyə aldı.
16 alman diviziyası və 1 briqadası sıradan çıxarıldı. Qərbi Avropadan cəlb edilən 12 diviziya və 2 müdafiə briqadası alman ordusunu tam məhv olmaqdan xilas etdi.