Ekspert: "Türk generalın Naxçıvana səfəri ümumi düşmənlərimizə mesajdır"

Türkiyə Respublikası Silahlı Qüvvələrinin Ərzurumda yerləşən ordu korpusunun komandiri general-polkovnik Şərəf Önqayın Naxçıvana səfərini hərbi ekspert Üzeyir Cəfərov Ölkə.az-a şərh edib.

Üzeyir Cəfərov: "Son vaxtlar Azərbaycanla Türkiyə arasında hərbi sahədə əməkdaşlıq daha da genişlənib. İki ölkə arasında artıq silahlı qüvvələrin birgə təlimi və tədbirləri keçirilib. Türkiyə silahlı qüvvələri bu yaxınlarda Azərbaycanda keçirilən böyük bir tədbirin iştirakçısı oldu. Naxşıvanda əlahiyətdə ümumqoşun ordusu ilə bağlı bütün məsələrələr faktiki olaraq Türkiyə silahlı qüvvələrinin kurasiyasındadır. Həm təhlükəsizlik baxımından həm də bəzi məsələlərin həll olunması baxımından bu çox yaxşıdır. Ona görə də, Türkiyənin hərbi komandanlığı zaman-zaman həm Naxçıvana baş çəkir həm də birgə işlərini planlayır. Türkiyənin bu hərəkəti çox yaxşı bir haldır, etibarlıdır, Azərbaycan üçün lazımlı olan bir məsələdir. Naxçıvan blokada şəraitindədir və hər an Ermənistan tərəfindən ora təhlükə gözlənilir. Baxmayaraq ki, bu gün əlahiddə ümumqoşun ordusunun bütün imkanları var ki, həm özünü həm də Azərbaycanın müdafiəsini təmin etsin, türk generalın, həm də Ermənistan sərhədlərinə yaxın yerləşən bir hərbi birləşmənin komandanı olan generalın Naxçıvana səfəri çox vacib və lazımlı səfərdir və bu səfərlər davamlı olacaq".

Səxavət Məmməd
Ölkə.az