Peru və Ekvadorda tapılan skeletlər hər kəsi şoka saldı

Arxeoloqlar Peru və Ekvadorda Amazonka çayının sahillərində qəribə tapıntı ilə rastlaşıblar.

Tədqiqatçılar boyu iki metrdən çox olan insan skeleti tapıblar. Alimlərdən ibarət qrupun rəhbəri Rassel Dementin bildirdiyinə görə, skeletlərin tədqiqatı ilə Almaniyalı mütəxəssislər məşğul olur. Görəsən tapılan skeletlərə əsasən, qədimdə Amazon meşələrində azman insanların yaşadığı fikrini irəli sürmək olarmı?

Ekspertlərin fikrinə görə, qalıqlar 1400-1500-cü illərə aiddir və onların boyu 243 sm təşkil edib. Dementin bildirdiyinə görə, hələ ki arxeoloji qazıntılar barədə ətraflı məlumat yoxdur. Bu səbəbdən nəsə fikir söyləmək bir qədər çətindir. Amma tədqiqatlar başa çatdıqdan sonra bu barədə ictimaiyyət məlumatlandırılacaq. Təbii ki, qeyri-adi ölçülü skeletlərin tibbi və antropoloji izahı var.

İlk dəfə nəhəng skeletlər barədə məlumat 2013-cü ildə mətbuata sızıb. Ekvadorda, Kuenka şəhərindən 112 km-lik məsafədə Şuar qəbiləsinin yaşayış məskənində qəribə skeletlər tapılmışdı. Bu zaman Dement qadın kəllə sümüyü və uşaq skeletini görmək üçün bu əraziyə yollanmışdı. Güclü subasma nəticəsində insan qalıqları üzə çıxmışdı. Alimlərin fikrinə görə, bu qalıqlar 600 il əvvələ məxsusdur. Tezliklə skeletin digər hissələri də tapıldı və araşdırmalar qadının boyunun 223.5 sm olduğunu üzə çıxardı.

Bir müddət sonra tədqiqatlar üçün alimlərdən ibarət qrup yaradıldı və qazıntılar üçün onlara xüsusi texnika verildi. Yerli əhali də axtarışlarda fəal iştirak etdi. Bu vaxta qədər artıq 5 nəhəng skelet tapılıb. Alimlər belə hündür boya heç bir anomal hadisənin, hormonal pozuntunun səbəb olmadığı qənaətinə gəliblər. Skeletin bütün oynaqları sağlam görünür. Ağciyər isə kifayət qədər böyük olub. Qalıqları tapılmış qadınlardan biri 60 yaşında olub.

Alimləri heyrətləndirən digər fakt isə, skeletlərin hər birinin ağac yarpağına bükülməyi olub.

Hikmət
Ölkə.Az