"Taliban" Əfqanıstanın Nava rayonunu ələ keçirdi

Radikal "Taliban" hərəkatının döyüşçüləri bu gün Əfqanıstanın cənubundakı Gilmənd əyalətində Nava rayonunda nəzarəti ələ keçiriblər.

Ölkə.Az xəbər verir ki, adıçəkilən rayon paytaxtdan cənubda yerləşən Gilmənd əyalətinin Laşkarqax şəhərində yerləşir.

Əldə edilən məlumata əsasən, Nava rayonu əvvəllər Gilmendin ən təhlükəsiz ərazisi sayılırdı. Amma son vaxtlar talibançılar bu əraziyə gediş-gəlişlərini artırmışdılar.

Talibançıların hücumu nəticəsində yerli polis şöbəsinin rəisi Əhməd Şah və bir neçə polis əməkdaşı qətlə yetirilib.

Xatırladaq ki, bir müddət əvvəl "Taliban" yaraqlıları Əfqanıstanın şimalında yerləşən Kunduz əyalətinə silahlı hücum etmişdilər.

Hikmət
Ölkə.Az