Yaponiyalı alim Nobel mükafatı aldı

Yaponiyalı alim Yosinori Osumi 2016-ci il tibb sahəsi üzrə Nobel mükafatına layiq görülüb.

Ölkə.Az xəbər verir ki, Yosinori Osymi auofagiya mexanizminin tədqiqatına görə Nobel mükafatı ilə təltif edilib. Auofagiya mexanizmi hüceyrə zibilinin həzmi prosesidir.

Stokholmun Karolin tibb universitetində keçirilən tədbirdə bu barədə məlumat verilib.

Ənənəyə uyğun olaraq, Nobel mükafatı laureatlarının mükafatlandırma mərasimi dekabr ayının 10-u Stokholmda baş tutacaq.

Xatırladaq ki, 10 dekabr tarixi təsadüfən seçilməyib. Nobel mükafatının banisi, isveçli sahibkar Alfred Nobel dekabrın 10-u dünyasını dəyişib.

Bu il Nobel mükafatı 8 milyon isveç kronu, başqa sözlə 932 min ABŞ dolları olacaq.

Hikmət Həsənov
Ölkə.Az