Zümrüddən cəsarətli paylaşım: \"Hər səhər tüksüz başına baxıb ağlayırsan\"

Tanınmış aparıcı Zümrüd Qasımova xərçəng xəstəliyinə qalib gələn məşhurlar sırasındadır.

O, bununla əlaqədar qadınlar tərəfindən çoxlu sayda müraciətlər qəbul etdiyini vurğulayıb.

Ölkə.Az xəbər verir ki, aparıcı müalicə zamanı çəkdirdiyi fotonu öznünün “Instagram” səhifəsində paylaşaraq xanımlara səslənib.

“Gündə yüzlərlə qadın mənə bu xəstəliklə bağlı yaranan müxtəlif suallarla müraciət edir: “Kimyaterpiyadan sonra saçlar bərpa olunurmu?”, “Müalicə bitdikdən sonra hər şey əvvəlki kimi olur?” və s.”.

Əzizlərim, qorxmayın, vaxtında həkimə müraciət edin, xəstəlik erkən aşkar olunduqda sağalır və sevdiklərinin yanında olursan. Mübariz olun, özünüzü sevin və inanın. Mən hər birinizi anlayıram...

Kimyaterapiyadan sonra günlərlə qusur, əsəbiləşir, qışqırır, ağlayırsan. Radioterapiya edəndə isə dəri yandığı üçün əziyyət çəkirsən, özünə baxa bilmirsən. Hər səhər tüksüz başına baxıb ağlayırsan, amma güclü olduqda, sonda sağalırsan.

Həyat gözəldir, yaşamağa dəyər. Hərşey keçir. Özünüzü sevin, bu da bir sınaqdır. Ən ağır gününüzdə belə qırmızı dodaq boyası vurmağı unutmayın. Bütün yaşadıqlarıma baxmayaraq, xoşbəxtəm. Allaha sığının”.