Türkiyədə 13 min polis əməkdaşı işdən çıxarıldı

Türkiyə hökuməti FETÖ ilə əlaqəsi olan 12801 nəfər polis əməkdaşını işdən uzaqlaşdırıb.

Ölkə.Az xəbər verir ki, yuxarıda qeyd edilən polis əməkdaşlarının Türkiyədə dövlət çevrilişinə cəhddə günahlandırılan FETÖ terror qruplaşması ilə əlaqələri üzə çıxıb. Əldə edilən məlumata görə, işdən uzaqlaşdırılanlardan 2.5 min nəfər rəis vəzifəsini icra edirmiş.

Əməliyyat nəticəsində Ankarada 1350, İzmirdə 570, Diyarbəkirdə 650 və Hakkaridə 350 polis əməkdaşının işinə xitam verilib.

Eyni zamanda, Daxili İşlər Nazirliyinin də 37 nəfər əməkdaşı işdən uzaqlaşdırılıb.

Hikmət
Ölkə.Az