Lozanna məhkəməsi Şarapovanın cəza müddətini 9 ay azaltdı

Rusiya Tennis Federasiyasından alınan məlumata görə, idman arbitraj məhkəməsi rusiyalı tennisçi Mariya Şarapovanın diskvalifikasiya müddətini 9 ay azaldıb.

Ölkə.Az xəbər verir ki, məhkəmə qərarından sonra raket ustası 2017-ci il 26 aprel tarixindən meydançalara qayıda bilər. Şarapovanın nüfuzu məhkəmənin müsbət qərar verməsinə təsir edib. Federasiyanın rəhbəri Tarpişevin bildirdiyinə görə, Şarapova gələn il komandaya cəlb ediləcək.

Xatırladaq ki, tennis ulduzu xəstəliyi səbəbindən meldoniya qəbul etdiyini etiraf etdiyi üçün beynəlxalq tennis federasiyası tərəfindən iki illiyinə idmandan uzaqlaşdırılmışdı.

Məhkəmənin verdiyi qərar 2016-cı il 26 yanvar tarixindən qüvvəyə minmişdi. Məhkəmə qərarı ilə razılaşmayan idmançı apelyasiya məhkəməsinə müraciət etmişdi.

Hikmət
Ölkə.Az