60 yaşlı Nurəddin Mehdixanlı: \"Bu səbəbdən doğum günümü qeyd etməyəcəyəm\"

Bu gün Dövlət Akademik Milli Dram Teatrının simalarından olan xalq artisti Nurəddin Mehdixanlının 60 yaşı tamam olur.

Doğum günündə Ölkə.Az-a danışan sənətkar bildirib ki, xoş gününü geniş formada qeyd etməyəcək:

"Bildiyimiz kimi hazırda Məhərrəm ayıdır. Ona görə doğum günümü təmtəraqlı qeyd etmək istəmədim. Amma yubileyim teatrımızda qeyd ediləcək. Dəqiq tarixi bilmirəm. Hər halda Mədəniyyət və Turizm Nazirliyinin təşkilatçılığı ilə yubileyimin keçirilməsi nəzərdə tutulur".

Qeyd edək ki, 1956-cı ilin bu günündə Cəlilabad rayonunda anadan olan sənətkar 1974-cü ildə M. Əliyev adına Azərbaycan Dövlət İncəsənət İnstitutunun dram və kino aktyorluğu fakültəsinə daxil olub. Dahi rejissor Adil İsgəndərovun rəhbərlik etdiyi kursu 1978-ci ildə başa vurub təyinatla Akademik Milli Dram Teatrına göndərilib.

Onlarla tamaşada, 30-a yaxın filmdə oynayıb.

İntiqam VALEHOĞLU
Ölkə.Az