Türkiyə Rusiyaya qarşı sanksiyalara qoşulmayacaq

"İranda fəaliyyət göstərdiyim dövrdə sanksiyaların effektsizliyinə əmin oldum"

Ölkə.Az RİA Novostiyə istinadən xəbər verir ki, Türkiyənin Rusiya Federasiyasındakı səfiri Ümit Yardım Türkiyənin Rusiyaya qarşı yönəlmiş sanksiyalara qoşulmayacağını bəyan edib. Səfir bildirib ki, Avropa İttifaqının xahiş edəcəyi halda belə Türkiyə sanksiyalara qoşulmayacaq.

" Bu sanksiyaların kontekstində Rusiya-türkiyə münasibətlərini görmürəm. Rusiya-Türkiyə münasibətlərinə özünəməxsus təbiət, təbiilik və xüsusilik xassdır. Biz münasibətlərimizi bu formada davam etdirəcəyik", - deyə Yardım bildirib.

Səfir qeyd edib ki, hələ İranda fəaliyyət göstərdiyi dövrdə sanksiyaların effektsiz olduğuna əmin olub və Türkiyənin mövqeyi yalnız BMT-nin qəbul etdiyi qərarlala əməl etməkdir.

Rəşid Mustafazadə

Ölkə.Az