Metyü qasırğası Haitidə həyatı iflic etdi

Haiti dövləti Metyü qasırğasının vurduğu ziyan nəticəsində ölkədə 283 nəfərin öldüyünü bildirib

Ölkə.Az xəbər verir ki, Haitinin cənubunda yerləşən Roche-a-Baeau şəhərində ölənlərin sayı 50 nəfərə çatıb. Ölkənin ən böyük şəhəri sayılan Ceremidə evlərin 80 faizi dağılıb. Sud rayonunda 30 min ev ziyan görüb.

Qasırğanın dalğası həftənin əvvəllərində Haiti sahillərinə çatsada, cənubla əlaqə itdiyi üçün fəlakətin ölçüləri barədə məlumatlar indi-indi ortaya çıxır.

Metyü qasırğasının sürəti 230 km/saat olub. Haiti vətəndaşları evlərini təmir etməyə çalışır, hələ ki ordu və ya dövlətdən heç bir yardım göstərilməyib. BMT rəsmiləri fəlakət bölgəsində 350 min nəfərin köməyə ehtiyacı olduğunu bildirib.

Baham adalarında da ağacların yıxıldığı, elektrik dirəklərinin küləyin təsirindən sındığı bildirilir.

Dominikan respublikasında da fəlakət səbəbi ilə ən az 4 nəfərin öldüyü bildirilir.

Xatırladaq ki, Metyü qasırğası ABŞ-a tərəf hərəkət edir. Amerika dövlət rəsmiləri təxminən 2 milyon insanı evlərini tərk etməyə çağırıb.

Hikmət
Ölkə.Az