Qadın futbolçularımız gürcüləri darmadağın etdi

Gürcüstanın Batumi şəhərində qızlar arasında beynəlxalq çimərlik futbolu turniri keçirilir.

Dörd ölkədən altı komandanın çıxış etdiyi turnirdə ölkəmizi "İnter" komandası təmsil edir. İlk oyun günündə komandamız Gürcüstan təmsilçisi "Kobuleti"yə 5:1 hesabıyla qalib gəlib. Qolları rəqib qapısından Aliyə Vəliyeva, Sevinc Babayeva, Sədaqət Vəliyeva və Ləman Babayeva keçirib. Təmsilçimiz Türkiyə komandasını da keçərsə, finala adlamaq hüququ qazanacaq.

Xatırladaq ki, turnirin təşkilat komitəsinə rəhbərliyi Acariya Çimərlik və Futzal Federasiyasının prezidenti Jaba Çanturiya, hakimlər qrupuna isə Azərbaycandan beynəlxalq dərəcəli hakim Əfqan Həmzəyev rəhbərlik edir.

İntiqam VALEHOĞLU
Ölkə.Az