"Türkiyə Kipri tanımasa, Avropa İttifaqına daxil ola bilməz"
"Türkiyə Kipri tanımasa, Avropa İttifaqına daxil ola bilməz"
Ölkə.Az RİA Novostiyə istinadən xəbər verir ki, bu fikirləri Yunanıstanın Xarici işlər nazirliyinin rəhbəri söyləyib.
"Avropa İttifaqının üzv dövləti olmaq üçün beynəlxalq hüquq normaları, Kiprin suveren hüquqlarına hörmət etmək tələb olunur", - deyə Yunanıstan XİN rəsmi bəyanatında bildirilir.
Yunanıstanın xarici işlər naziri Evangelos Venizelos bəyan edib ki, Avropa İttifaqı artıq rəsmi Ankaraya konkret siqnal göndərib:
"Avropa İttifaqı artıq rəsmi Ankaraya konkret siqnal göndərib - əgər Türkiyə Avropa İttifaqına daxil olmaq istəyirsə, beynəlxalq hüquq normalarına hörmət edərək Aİ-yə daxil olan bütün üzv dövlətləri tanımalıdır", - deyə nazir qeyd edib.
Venizelosun Kipr problemi ilə bağlı bəyanatı bu gün Yunanıstanın XİN tərəfindən yayılıb.
Rəşid Mustafazadə
Ölkə.Az
