Facebook-da anonim danışacaqsınız

Facebook-dan daha bir maraqlı yenilik.

Ölkə.Az xəbər verir ki, dünyanın ən populyar sosial şəbəkəsi sayılan Facebook-da artıq anonim ünsiyyət qurmaq mümkün olacaq.

İstifadəyə verilməsi planlaşdırılan bu yeni proqramda anonim formada danışmaq üçün qeydiyyat tələb olunmayacaq. Sözügedən proqram artıq ABŞ və Böyük Britaniyanın istifadəçiləri üçün təqdim olunub.

"Rooms” adlı yeni proqramın istifadəçiləri istədikləri təxəllüslərlə təqdim olunan mövzuların müzakirəsində iştirak edə, rahat ünsiyyət qura biləcəklər. Ən əsası isə bütün bunların sosial şəbəkədə qeydiyyat hesabı olmadan edilməsidir. Bunun ən müsbət cəhəti isə hər bir kəsin bu proqramdan istifadə edə bilməsidir. Verilən otaqlarda multimedia fayllarından da istifadə edərək mesajlaşmaq imkanı təqdim olunur.

Hələlik " Rooms" proqramı ABŞ və BB-da yalnız Apple-ın İOS ptaforması üçün buraxılıb.

Rəşid Mustafazadə

Ölkə.Az