"Belə qorxunc cinayətlər psixoloji amillərlə bağlıdır"

Oktyabrın 22-də Bakıda, Xətai rayonu, Xudu Məmmədov küçəsi 18, bina 1 “a” mənzil 39-da 20 yaşlı Günel Nuriyevanın başı kəsilmiş meyiti aşkarlanıb. Sonradan Günel Nuriyevanın əkiz bacısı Pərvanə Nuriyeva tərəfindən öldürüldüyü məlum olub.

Ölkədə və hətta qonşu ölkələrin mediasında belə geniş işıqlandırılan bu qorxunc cinayələ bağlı kriminalist Mirakif Babayev Ölkə.az-a danışıb.

Mirakif Babayev: "Təfərrüatlar olmadığına görə dəqiq bir şey demək mümkün deyil. Görünür ki, son illərdə qorxudan yaranan, internet göstərilən qorxunc filmlər hamısı təsir edir insana. Psixoloji bir amildir. Təfərrüatlar ortaya çıxandan sonra hər şey aydın olacaq. Psixoloji və psixoatrik ekspertiza aparıldıqdan sonra dəqiq bir şey demək olar. Bu hadisə çox qorxunc bir şeydir. Axır vaxtlar intihar və bu kimi cinayətlərin çoxalması da psixoloji amilləri göstərir. İnsanlar bir birinə qarşı dözümsüz olub, çətinliyə tab gətirə bilmirlər. Bu dəqiqə ancaq fərziyələr irəli sürə bilərik. Əlimizdə dəqiq faktlar olandan sonra dəqiq diaqnoz qoya bilərik".

Səxavət Məmməd
Ölkə.Az