ABŞ İrana qarşı sanksiyaları yüngülləşdirdi

ABŞ maliyyə nazirliyi bəzi məhdudiyyətləri aradan qaldıraraq İranda xarici şirkətlərin biznes qurma işini asanlaşdırıb.

Ölkə.Az xəbər verir ki, nazirliyin yayımladığı sənədə əsasən, İranla ofşor banklar arasında dollar əməliyyatları qadağası ləğv edilib. Amma bu qadağa Amerika maliyyə sisteminə aidiyyatı olmama şərti əsasında mümkün olacaq. Həmçinin ABŞ Vaşinqtonun sanksiyaları altına düşən şəxs olan iran şirkətləri ilə əməliyyatların keçirilməsi üçün məhdudiyyətləri ləğv ediblər.

İran dövləti bundan əvvəl bir neçə dəfə Amerika hakimiyyətini nüvə sazişi ilə bağlı öhdəlikləri yerinə yetirmədiyi üçün ittiham etmişdi.

Xatırladaq ki, 2015-ci il iyul ayının 14-ü bağlanan müqavilə İranın nüvə potensialını məhdudlaşdırırdı.

Hikmət
Ölkə.Az